Drentse vlag Nederlandse vlag

Leste neis


Blief altied op de heugte

Inschrieving Drèents Liedtiesfestival 2023 lös!

01 december 2022

Inschrieving Drèents Liedtiesfestival 2023 lös! Het grootschaolige streektaol songfestival wordt veur de elfde maol organiseerd met as doel het schrieven, oetvoren en vastleggen van neie Drentstaolige kwaliteitsmeziek. De organisatie -Stichting REUR- rop mezikaanten, tekstschrievers en componisten van Drentstaolige meziek op om liedties in te sturen. De inzunden liedties wordt deur een kemmissie bestaonde oet meziek- en tekstprofessionals beoordield. Oet de inzendingen wordt de tien beste liedjes keuzen veur de finale. Eende april 2023 wordt de finalisten bekend maakt via RTV Drenthe.

DLF-Jubileumconcert - aftermovie-

17 november 2022

Dit jaor bestiet het Drèents Liedtiesfestival 10 jaor. Dat wuur op 3 september vierd met een bezunder jubileumconcert, waor alle winnaars optraden. Naotied was der nog een infermiele netwarkbijienkomst, zodat elkenien mekaar weer ies spreken kun nao twie jaor van beparkings. As organisatie van het DLF kiek wij - Stichting REUR - weerum op een prachtig concert en een lichtkaans nog mooiere toekomst.

Suns Europe 2022: namen van de acts bekend.

16 november 2022

Suns Europe 2022: namen van de acts bekend. De bands die optreedt gedurende het slotevenement van het minderheidstaol-kuunstenfestival komt oet Wales, Baskenlaand, Friuli, Karst, Drenthe en Sardinië. Alles is klaor veur het slotevenement van Suns Europe! Nao een zommer vol meziekevenementen, vindt de achtste editie van het podimkuunstfestival in de minderheidstaol plaots op 26 november um 21.00 uur in Teatro Nuovo Giovanni in Udine met het Europees Songfestival veur Minderheidstaolen.