Drentse vlag Nederlandse vlag

Inschrijving Drèents Liedtiesfestival 2023 sleuten!


02 april 2023

De inzendtermien veur de elfde editie van het Drèents Liedtiesfestival -DLF23- is sleuten.
Tot en met gistern -1 april 2023- kunden bands, zangers, zangeressen, tekst- en meziekschrievers heur liedtien insturen.

Langs dizze weg wil wij alle inzenders van harte bedaanken veur heur bijdrage!
Zonder je inbreng en inzendings kan het DLF niet bestaon.

Hoe non wieder?

Alle inzendings bint centraal verzameld en alle verwiezings naor de schrievers en uitvoorenden bint vorthaald. Dit wordt daon um iedere vörm van partijdigheid te veurkomen. De inzendings bint dus 'anoniem' maakt en als zodaonig verzunden an de zeuven leden van de beoordielingskemmissie.

De leden van de kemmissie beoordielt ieder zölfstandig de liedties op:

  • tekst (inholdelk, artistieke weerde, taolinholdelk)
  • compositie (harmonie, melodie, etc)
  • verneiend karakter (originaliteit, thematiek, meziekstijl)
  • oetvooring algehiel (algemiene indruk, potentie van het liedtien)

Naodat de leden heur bevindings klaor hebt stuur zie heur persoonlke risseltaoten naor het centrale anspreekpunt. Daor wordt alle bevindings en beoordielings verzameld en ïnventariseerd.

Conclaaf

Gedurende het grote DLF-conclaaf wordt alle liedties bespreuken en toetst an de bevindings en risseltaoten die inbracht bint deur de verscheiden kemmissieleden.
Hierbij wordt nog een maol de eerder angeven criteria as oetgangspunt nummen.
Naodat oetgebreid alles beproot en weugen is, komp de beoordielingskemmissie tot een selectie van (maximaal) tien liedties die oekommen zult in de finale.

Bekendmaking finalisten

De bekendmaking van de finalisten veur de finale van DLF23 is op zaoterdag 29 april vanof 16.00 uur RECHTSTREEKS op RTV Drenthe.


Inschrieftermien DLF23 sleuten

Weerum