Drentse vlag Nederlandse vlag

Warkwinkel liedtiesschrieven Tangarine


25 maart 2022

PARSBERICHT:

Drèents Liedtiesfestival 2022 – Warkwinkel liedtiesschrieven Tangarine

Op 9 april ankommen verzörgt de breurs Arnout en Sander Brinks -bekend as Tangarine- een warkwinkel liedtiesschrieven. De warkwinkel vindt plaots in het kader van het veurtraject van het Drèents Liedtiesfestival 2022.

In 2014 kreeg Tangarine nationale bekendheid as hoesband van ‘De Wereld Draait Door’ en veroverde de harten van de tv-kiekers. De breurs reisden langs zowat elk poppodium in Nederlaand en speulden op festivals as Lowlands, Haldern Pop en Into The Great Wide Open. In de jaren dernao richtte Tangarine zuch op concerten in het theater.

Arnout en Sander nimt je gedurende de warkwinkel met in het hiele proces van de schrieverij op gebied van tekst en meziek, totan het opnimmen van demo's.
De breurs bint niet  van hoesoet Drèentstaolig opgruid. De warkwinkel is daorum ok niet toespitst op de taol en daordeur veur een briedere groep interesseerden bedoeld.

Ij bint van harte welkom!

Infermatie:

Daotum:9 april 2022
Stee:Het Atlas Theater, Raadhuisplein 100, 7811 AP Emmen
Tied anvang:13.00 uur  (inloop v.o. 12.45 uur)
Kosten dielname:€15,- (incl. koffie & thee bij binnenkomst)


Anmelden (t/m 8 april) via het mailadres: contact@stichtingreur.nl
Kiek HIER veur het pregram.

Tangarine - persfoto (Paul Bellaart)Tangarine (foto: Paul Bellaart)

Weerum