Drentse vlag Nederlandse vlag

Inzendtermien Drèents Liedtiesfestival 2022 is lös!


09 december 2021

PARSBERICHT:

Het grootschaolige streektaol songfestival wordt veur de tiende maol organiseerd met as doel het schrieven, oetvoren en vastleggen van neie Drentstaolige kwaliteitsmeziek. De organisatie -Stichting REUR- rop mezikaanten, tekstschrievers en componisten van Drentstaolige meziek op om liedties in te sturen. De inzunden liedties wordt deur een kemmissie bestaonde oet meziek- en tekstprofessionals beoordield. Oet de inzendingen wordt de tien beste liedjes keuzen veur de finale. Begun juni 2022 wordt de finalisten bekend maakt via RTV Drenthe.

De finale van het Drèents Liedtiesfestival vindt plaots op zaoterdag 2 juli 2022 in het ATLAS Theater in Emmen. Het Drèents Liedtiesfestival wordt LIVE oetzunden op RTV Drenthe en via het internet.
Het landelke pebliek stemt via sms op zien favoriete liedtien. Een inholdelke vakjury beoordielt de liedties toegeliekertied. Beide oetslagen bepaolt gezamenlk de oetèeindelke winnaar van het Drèents Liedtiesfestival.

Stichting REUR en SUNS Europe festival

Stichting REUR vaardigt de winnaar van het Drèents Liedtiesfestival as vertegenwoordiger van het Nedersaksisch of hen het Europees Songfestival voor Minderheidstaolen op het SUNS Europe festival 2022. In verbaand met de corona-maotriegels die internationaal gölden was DLF19-winnaar Leon Moorman met het nummer ‘Knooin’ totan vandaag de leste vertegenwoordiger van het Nedersaksisch daor. Leon Moorman wun in 2019 de pebliekspries tiedens de finale in Udine.

Metdoen

Inzendings veur het Drèents Liedtiesfestival 2020 kunt tot en met 1 mei 2022 ingestuurd worden hen Stichting REUR. Dat kan via het online-anmeldformelier op de webstee van Stichting REUR
Meer infermatie daorover vin ij HIER

Jubelllogo DLF22

Weerum