Drentse vlag Nederlandse vlag

Knooin op het Eurovisie Songfestival?


02 september 2021

Bezunder neis was der dizze week! Landelk neis zölfs. DLF19-winnaar Leon Moorman har van de week -op de valreep- zuchzölf kandideerd veur dielname an het Eurovisie Song Festival -ESF22-  dat ankommen jaor in Italië weden zal.

Prachtig neis vanzölf en dat vunden de verscheiden media ok! Leon zien anmelding wuur opppakt deur RTV Drenthe, RTL, NPO Radio 5 (Bert Haandrikman), het ANP en nog een riege van aandere umroepen en (online-)kraanten.

Wij zulden het vanzölf prachtig vinden as Leon ofvaardigd worden zul met een Drèentstaolig ofwal Nedersaksisch liedtien.

Het ESF zul dan èendelk weerum kommen hen heur eigelke doelstelling: het samenbrengen van de verscheiden Europese identiteiten, meziek- en taolculturen, zodat der over en weer meer begrip en kunde komp over mekaars achtergrond.

In 2019 wun Leon het Drèents Liedtiesfestival met Knooin

 

Weerum