Drentse vlag Nederlandse vlag

Inzenden Drèents Liedtiesfestival 2021!


30 december 2020

Naodat de editie van 2020 opscheuven worden mus in verbaand met corona-maotriegels, wordt het Drèents Liedtiesfestival veur de negende maol organiseerd met as doel het schrieven, oetvoren en vastleggen van neie Drentstaolige kwaliteitsmeziek. De organisatie -Stichting REUR- rop mezikaanten, tekstschrievers en componisten van Drentstaolige meziek op um liedties in te sturen. De inzunden liedties wordt deur een kemmissie bestaonde oet meziek- en tekstprofessionals beoordield. Oet de inzendings wordt de tien beste liedjes keuzen veur de finale. Begun april wordt de finalisten bekend maakt via RTV Drenthe.

De finale van het Drèents Liedtiesfestival 2021 vindt plaots op Hemelvaortsdag: dunderdag 13 mei 2021 in het ATLAS Theater in Emmen. Het Drèents Liedtiesfestival wordt LIVE oetzunden op RTV Drenthe en via het internet. Het landelke pebliek stemt via sms op heur favoriete liedtien. Een inholdelke vakjury beoordielt de liedties toegeliekertied. Beide oetslagen bepaolt gezamenlk de oetèendelke winnaar van het Drèents Liedtiesfestival.

De winnaar van het Drèents Liedtiesfestival zal later in ’t jaor het Nedersaksisch vertegenwoordigen op het Europees Songfestival veur minderheidstaolen op het Suns Europe festival in Udine (Italië).

Metdoen

Inzendings veur het Drèents Liedtiesfestival 2021 kunt tot 1 meert 2021 instuurd worden hen Stichting REUR.
Alles over het inzenden, rieglementen en naodere infermatie bint HIER te vinden.

Weerum