Drentse vlag Nederlandse vlag

Drèentse Zangers vanof 16 oktober op ZO!34


30 september 2020

Vanof ankommen vrijdag 16 oktober  is Drèentse Zangers te zien op ZO!34. Drèentse Zangers is een samenwarking tussen ZO!34 en Stichting REUR um het zingen in het Drèents an te fietern. Het pregram bestiet oet zes ofleverings.

Hoe klinkt een Drèentse varsie van Rollercoaster van Danny Vera? Me and Bobby McGee van Janis Joplin, mar dan met de Hunebed Highway in de heufdrol? En waor giet de Fraanse klassieker Une Belle Histoire over oet de mond van een Drent? Ij heurt en ziet het in het neie tv-pregram van ZO!34, Drèentse Zangers. 

Dielnimmers Annemiek Drenth, Rik Vinke, Anna Westerling, Suzanne & Linda Kannegieter, Leon Moorman en Gerrit Denekamp laot zes vrijdagavaonds Drèentse vertolkings heuren van mekaars liedties, mar ok van bekende hits oet binnen- en boetenlaand. De prissentatie is in haanden van Angelo Wensing en Wesly Struik.



logo Dreenste zangers

Weerum