Drentse vlag Nederlandse vlag

ZO!34 en Stichting REUR: Drèentse zangers


07 januari 2020

Ankommen zommer ziej een nei tillevisiepregram op ZO!34: Drèentse Zangers! Old-finalisten van het Drèents Liedtiesfestival zingt daorin niet enkel mekaars liedties, mar ok Nederlaands- en Engelstaolige hits die vertaold bint naor het Nedersaksisch of Drèents.

De dielnimmers van Drèentse Zangers bint Annemiek Drenth oet Emmer-Compas, Rik Vinke oet Schoonebeek, Anna Westerling oet Coevern, Suzanne & Linda Kannegieter oet Emmen, Leon Moorman oet Barger-Compas en Gerrit Denekamp oet Emmen. De artiesten worden begeleid door de DLF-band, bekend van het Drèents Liedtiesfestival.

36 neie Drèentse liedties

Drentse Zangers is een samenwarking tussen ZO!34 en Stichting REUR, um de Drèentse taol te premoten en Drèents zangtalent an te fietern. Het pregram bestiet oet zes ofleverings, waornao der in totaal 36 neie Drentstaolige liedties bint. "Ién van de liedties die bewarkt worden zal, is 'Rollercoaster' van Danny Vera", zeg Wesly Struik, die samen met Angelo Wensing Drèentse Zangers prissenteren zal. "Ik bin bar beneid hoe dat in het Drèents klinken zal!"

Stichting REUR understeunt de artiesten bij het vertaolen van de liedties naor het Drèents en Nedersaksisch. Het pregram zal opnummen worden op het Ermerstrand en wordt vanof vrijdag 5 juni uitzunden op het TV-kanaol van ZO!34. Ok is het pregram vanof dan online te zien.

Deelnemers Drentse zangers
v.l.n.r: (boven) Rik Vinke, Leon Moorman, Gerrit Denekamp
(onder) Annemiek Drenth, Anna Westerling, Suzanne Kannegieter, Linda Kannegieter
Angelo Wensing en Wesly Struik

logo ZO!34  LOGO 2018 Stichting REUR

 

Weerum