Drentse vlag Nederlandse vlag

Leon Moorman hen Suns Europe 2019!


16 oktober 2019

PARSBERICHT

Winnaar van het Drèents Liedtiesfestival 2019 -Leon Moorman- is oetkeuzen diel te nimmen an het Europees Liedtiesfestival veur minderheidstaolen op het SUNS EUROPE festival dat holden wordt van 28 november tot 2 december in Udine (Italië). Een vakjury keus negen finalisten oet zo ‘n vieftig inzendings oet hiel Europa. Leon Moorman zal met het liedtien ‘Knooin -dat schreven is deur humzölf, Laurens Hof en Jord Brinkhuis- het Nedersaksisch vertegenwoordigen tussen negen aandere Europese minderheidstaolen.

De tien finalisten bint:

Malasorti (Sardinisch)
Swnami (Welsh)
Ataque Escampe (Galicisch)
Mauresca (Ocitanië)
Leon Moorman (Nedersaksisch)
Mocker's (Baskisch)
Mattiu Defuns (Reto-Romaans)
Isak (Sami)
Damià Oliver (Catalaans)
Silvia Michelotti (Friulisch)

Veur het viefde jaor brengt ‘Suns Europe’ authentieke taolen en moderne vörms van communicatie samen. Een festival rondum kuunst, verbinding, talent, taolpluralisme en creativiteit. Op het festival staot meziek, film, theater en literatuur in minderheidstaolen van het ‘Olde Continent’ centraal.

De Stichting REUR -organisator van het DLF-Drèents Liedtiesfestival- is bezunder wies met de oetverkiezing van Leon Moorman veur dit prestigieuze, internationale evenement. Stichting REUR mak van de reis, de veurbereidings en de finale van het Europese liedtiesfestival een (live-)verslag dat te volgen is via de sociale media. Dizze bijdragen wordt maakt -en sponsord- deur Abbot Studio (Bart de Nes).

Veur het viefde jaor brengt ‘Suns Europe’ authentieke taolen en moderne vörms van communicatie samen. Een festival rondum kuunst, verbinding, talent, taolpluralisme en creativiteit. Op het festival staot meziek, film, theater en literatuur in minderheidstaolen van het ‘Olde Continent’ centraal.

De Stichting REUR -organisator van het DLF-Drèents Liedtiesfestival- is bezunder wies met de oetverkiezing van Leon Moorman veur dit prestigieuze, internationale evenement. Stichting REUR mak van de reis, de veurbereidings en de finale van het Europese liedtiesfestival een (live-)verslag dat te volgen is via de sociale media. Dizze bijdragen wordt maakt -en sponsord- deur Abbot Studio (Bart de Nes).

Ok in 2017 en 2018 wuurden respectievelk de DLF-winnaars Isa Zwart en Melissa Meewisse oetkeuzen veur dit Europese Liedtiesfestival veur minderheidstaolen en wuur Isa Zwart de pebliekspries oetlangt bij heur dielname. De dielname van beide risselteerde in landelke media-andacht op radio, tillevisie en peblicaties in landelke dagbladen.
Sinds 2018 is Stichting REUR officieel partner worden van het Suns Europe festival.
Dielname an het Suns Europe festival wordt meugelk maakt deur de previncie Drenthe.

LOGO Suns Europe 2018

Knooin - Leon Moorman (HOES SINGLE)

Weerum