Drentse vlag Nederlandse vlag

Platt Together 2019


27 september 2019

Platt Together is een internationaal oetwisselings-meziekpreject van Stichting REUR in samenwarking met het ZfN (Zentrum für Niederdeutsch in Holstein).
Het ZfN is ok organisator van het songfestival veur Nederduuts in Schleswig-Holstein, Bremen. Hamburg en Mekelnborg-Vörpommern: Plattbeats.
Beide organiserende partijen van dizze evenementen staot veur eenzölfde oetdaging um het taolkundige arfgoed van heur regio of taolgroep deur te geven an de jongere generatie.
Stichting REUR en het ZfN maakt zuch stark veur het Nedersaksisch en het Nederduuts um de taol zien plek in de jeugdcultuur terug te winnen an beide kaanten van de Duuts/Nederlaandse grèens.

In het weekèende van 15-17 november komp een groep talenteerde liedtiesschrievers samen in Drenthe um gezamenlk an de slag te gaon. Zie wordt daorbij inholdelk understeund deur professionals op meziek- en taolgebied.
Gedurende het weekèende wordt de vörderings en risseltaoten vastlegd. Dit zal een aftermovie, een single en en videoclip opleveren.

Stichting REUR en het ZfN hebt understaonde talenten oetkeuzen um diel te nimmen aan Platt Together 2019:

Leonhard Keller, Valentin Keller, Miriam Buthmann, Malte Müller, Nikos Saul, Robin Muilwijk, Leon Moorman, Annemiek Goelema, Jolien Wonink-Dijkstra en Gerwin Jutstra


Het preject Platt Together wordt meugelijk maakt deur de dielstaot Scheswig-Holstein en de Previncie Drenthe.

Platt Together 2019 - LOGO

Ministerium für Bildung, Wissenschaft und Kultur des Landes Schleswig-Holstein - LOGO Provincie Drenthe

Weerum