Naodat de finalisten bekendmaakt waren, wuur Stichting REUR metdield deur oetkeuzen inzenders van -In de leite- dat met weerumwarkende kracht niet voldaon worden kun an de veurweerden die beschreven staot in het rieglement van DLF19 (Artikel F). Umreden van heur zwangerschap en anstaonde bevalling begun juni bleek dat de solist niet optreden kan in de finale.

Nao stevig intern overleg van het stichtingsbestuur, waorbij alle veurs- en tegens ofweugen en spiegeld bint an het rieglement hef het bestuur -tot heur spiet- het volgende besluten moeten:

Het bestuur kan gien oetzundering maken op de instelde riegel (Artikel F) en een eventuiele vervangende vocalist toestaon. Het zul gien zuvere oplössing weden richting de aandere inzenders en finalisten van DLF19. Een oetzundering zul een precedent scheppen veur aandere gevallen in de toekomst.
Het liedtien -In de leite- komp te vervallen as finalist van DLF19.

Volgens de rieglementen kan in dizze situatie Artikel G toepast worden, met in achtnimming van Artikel D.

Intied is der ketakt west tussen Stichting REUR en de inzenders van -In de leite- en is bovenstaonde metdield en deurproot. Beide partijen bint tot de conclusie kommen dat dit een terecht besluut is en kunt zuch vinden in de anbeuden oplössing.

Bovenstaonde hef tot gevolg dat der in de finale op 22 juni in het Atlas Theater negen finalisten optreden zult.

Het bestuur van REUR wèenst Bertine een hiele veurspoedige zwangerschap en bevalling.

Weerum