Drentse vlag Nederlandse vlag

Finalisten Drèents Liedtiesfestival 2018 bekend!

Veur de zeuvende maol organiseert Stichting REUR het Drèents Liedtiesfestival. Dit songfestival zörgt der veur dat der een brieder anbod komp van neie Drèentstaolige kwaliteitsmeziek.
Stichting REUR mak zuch stark veur de Drèentstaolige meziekcultuur in de bredte en wil ansluting kriegen van het Nedersaksisch en Drèents bij aandere (inter-)nationale minderheidstaolen.
In febrewarie dit jaor ruup zie alle mezikaanten en tekstschrievers op um heur beste mezikale bien veur te zetten en liedties in te sturen.
Nao het sluten van de inzendtermien hef een beoordielingskemmissie een kleine 30 inzendings beoordield en de oeteindelke finalisten oetkeuzen. De finalisten van het DLF18 bint:

Finalisten DLF18

De finale van het Drèents Liedtiesfestival is op 2 juni 2018 in het ATLAS Theater in Emmen en wordt LIVE oetzunden op RTV Drenthe.
Isa Zwart -winaar van DLF17- komp heur winnende liedtien ‘Mamme See’ nog een maol zingen en zal de pries deurgeven an de winnaar van de 2018-editie.
De winnaar van de finale wint een geldbedrag van € 2000,- um te besteden an het opnimmen en oetbrengen van zien of heur winnende liedtien.