Drentse vlag Nederlandse vlag

Platt Together is een internationaal oetwisselings-meziekpreject van Stichting REUR in samenwarking met het ZfN (Zentrum für Niederdeutsch in Holstein).
Het ZfN is ok organisator van het liedtiesfestival veur Nederduuts in Schleswig-Holstein en Hamburg: Plattbeats.
Beide organiserende partijen staot veur eenzölfde oetdaging um het taolkundige arfgoed van heur regio of taolgroep deur te geven an de jongere generatie.
Zowal Stichting REUR as het ZfN maakt zuch stark veur het Nedersaksisch um zien stee in de jeugdcultuur weerum te winnen an beide kaanten van de Duuts/Nederlaandse grèens.

Het lig dan ok veur de haand um als organisaties mandielig op te trekken, nauwere samenwarkingen an te gaon en daorbij mekaar te steunen en te verstarken. Het preject möt dus opvat worden as een eerste stap tot een wiedere, nauwere samenwarking tussen de taolgroepen in de beide laanden.
Met het preject wit beide partijen benaodrukken dat de taak van het premoten, prissenteren en untwikkelen van het Nedersaksisch in passende en adequate vörms richting de jongere generatie, een grèensoverschrijdende, Europese oetdaging is. 

Platt Together wordt meugelk maakt deur de Previncie Drenthe en de dielstaot Schleswig-Holstein en vindt plaots op 23 t/m 25 november 2018 in Heide (Dts).

Platt Together LOGO