Leste neis
Blief altied op de heugte
20 december 2023
Dat was ‘m alweer: 2023 Wij kiekt weerum op een bezunder mooi jaor, met een prachtige finale van het Drèents Liedtiesfestival, een legendarische ofvaardiging hen het Suns Europe festival, twie DLF-winnaars die in de finale van het Regio Songfestival stunden en weer een hiele koppel lu die heur meziek oetbrachten en optraden op podiums, veur radio en smangs op tillevisie!
02 november 2023
Veur de twaalfde keer op riege komp het grootschaolige streektaal-songfestival hen Drenthe, met as doel het schrieven, oetvooren en vastleggen van neie Drèentstaolige kwaliteitsmeziek. De organisatie -Stichting REUR- röp mezikaanten, tekstschrievers en componisten van Drèentstaolige meziek op um liedties in te sturen. Een kundige kemmissie van meziek- en tekstprofessionals zal elk inzunden liedtien beoordielen en de tien besten sillecteren veur de finale op dunderdag 9 mei 2024 in het ATLAS Theater. De finale wordt LIVE oetzunden op RTV Drenthe en via het internet.
16 oktober 2023
DLF23-winnaar Lisa Harms en heur band reisden lesten vrijdag of hen Friulië, Udine um percies te weden veur het SUNS Europe festival. As winnaar van het DLF vertegenwoordigde zie daor het Nedersaksisch tussen een hiele koppel aandere Europese minderheidstaolen, zoas het Welsh, het Catalaans, het Baskisch. het Faeröers en het Furlan vanzölf.