De inzendtermien veur het Drèents Liedtiesfestival 2019 is lesten vrijdag 5 april um 24.00 uur sleuten.

Langs dizze weg wil wij -Stichting REUR- elkenien hartelk daanken veur heur inzending, want zunder inzendings is het Drèents Liedtiesfestival niet meugelk.

Het vervolg
De inzendings wordt inventariseerd en anoniem maakt. Dat holdt in dat alle
naamsvermeldings van zowal de tekst- en meziekschrievers as de oetvorende(n) vort haald wordt.
Dizze anonieme inzendings wordt anbeuden an de beoordelingskemmissie van Stichting REUR. Zie zult de inzendings inholdelk beoordelen op kwaliteit van tekst en meziek.
Gedurende het zogehieten 'DLF-conclaaf' komp de kemmissie samen en zal dan oet alle inzendings de finalisten bepaolen.

Bekendmaking finalisten
De finalisten van de achtste editie van het Drèents Liedtiesfestival wordt op 11 mei 2019 bekend maakt in het pregram 'Hemmeltied' van RTV Drenthe.

Finale
De finale van het Drèents Liedtiesfestival 2019 is op 22 juni 2019 in het Atlas Theater in Emmen.
Ij kunt je kaorten veur de finale HIER bestellen.


 

Weerum