Drentse vlag Nederlandse vlag

Drèents Liedtiesfestival 2019


02 januari 2019

Drèents Liedtiesfestival 2019

Het Drèents Liedtiesfestival 2019 (DLF19) komp der an!
Het grootschaolige liedtiesfestival wordt veur de achtste maol organiseerd met as doel het schrieven, oetvoeren en vastleggen van neie Drèentstaolige kwaliteitsmeziek. De organisatie -Stichting REUR- rop alle mezikaanten en tekstschrievers van Drèentstaolige meziek op um liedties in te sturen.

De inzunden liedties wordt deur een kemmissie, bestaonde oet meziek- en tekstprofessionals belusterd en weugen. Oet alle inzendings wordt de beste tien liedties keuzen veur de finale. Begun mei wordt de selectie van de tien finalisten bekend maakt via RTV Drenthe.

De finale van het Drèents Liedtiesfestival is op zaoterdag 22 juni 2019 in het ATLAS Theater in Emmen. Het Drèents Liedtiesfestival wordt LIVE oetzunden op TV Drenthe en via het internet. Het Drèentse pebliek stemt via sms op heur favoriete liedtien. Een inholdelijke vakjury zal de liedties ok beoordelen. Beide oetslagen bepaolt gezamelk de oeteindelke winnaar van het Drèents Liedtiesfestival.

De winnaar van DLF19 zal ok ofvaardigd worden naor het Europees Songfestival veur Minderheidstaol op het SUNS Europe festival 2019.

De editie van 2018 wuur wunnen deur Melissa Meewisse met het nummer ‘Wind van Zuud’ dat schreven wuur deur Robin Muilwijk en Jord Brinkhuis. In het naojaor van 2018 wuur -op veurdracht van Stichting REUR- Melissa Meewisse verkeuzen metan te doen an het Europees songfestival veur minderheidstaolen.

Inzendings kunt daon worden tot en met 5 april 2019 hen:

Stichting REUR
Laan van de Marel 30
7823 CA Emmen

of via wetransfer.com hen: contact@drentsdlf.nl o.v.v. DLF19.

Je inzending möt bestaon oet:
-een tekst van het liedtien
-een opname van het liedtien
-een invuld inschriefformelier

Anvullende infermatie over het inzenden kuj HIER vinden.


Melissa Meewisse:

LOGO DLF19

Weerum