Drentse vlag Nederlandse vlag

ZfN en Stichting REUR organiseert 'Platt Together'


17 oktober 2018

Platt Together is een internationaal oetwisselings-meziekpreject van Stichting REUR in samenwarking met het ZfN (Zentrum für Niederdeutsch in Holstein).
Het ZfN is ok organisator van het liedtiesfestival veur Nederduuts in Schleswig-Holstein en Hamburg: Plattbeats.
Beide organiserende partijen staot veur eenzölfde oetdaging um het taolkundige arfgoed van heur regio of taolgroep deur te geven an de jongere generatie.
Zowal Stichting REUR as het ZfN maakt zuch stark veur het Nedersaksisch um zien stee in de jeugdcultuur weerum te winnen an beide kaanten van de Duuts/Nederlaandse grèens.

In het weekèende van 23-25 november giet een groep talenteerde liedtiesschrievers hen Schleswig-Holstein um samen met heur Duutse collega's diel te nimmen an een liedtiesschriefweekèende. Ok wordt zie een koppel warkwinkels angebeuden.
An 't èende van het weekèende wordt de neie stukken vastlegd.

De Stichting REUR hef de understaonde liedtiesschrievers oetkeuzen um metan te doen an Platt Together:

-Robin Muilwijk
-Lilian van Lottum
-Erik Koerts
-Harmen Boels
-Marsha Boes

Het preject Platt Together wordt meugelk maakt deur de dielstaot Schleswig-Holstein en de Previncie Drenthe.

Weerum